．．．．．．．．．．．．．．．．．
質地：膏狀
味道：唔覺有味
價錢：＄３８／ｓａｓａ
．．．．．．．．．．．．．．．．．
用後感：用ｏ既時候覺得ｄ泡泡比較杰身～但係都ＯＫ滑～臉上粉底、眼影、眉、胭脂已經按兩下就無左，但睫毛液就仲係洗唔走，最後按摩左成分鐘之後洗左佢，感覺係好啜手，但泡泡沖幾下就無晒，最後檢查睫毛液只能夠卸走４成左右（我係用kiss me極太睫毛液），但係就明顯見到塊面白左好多～我本身皮膚都算白～我問我老公我塊面好似係咪白左好多？佢話：係ｗｏｒ～塊面白到發光咁ｏ既？，而且意外地發現～部份鼻頭同鼻翼ｏ既黑頭突左出ｏ黎～真係意外收獲（唔知關唔關我按左成分鐘事）！！洗完面後１分鐘左右未搽野，面開始有少少拉緊～因為有ｄ乾ｏ既感覺～ｌｅｅ個時候我就照平常ｓｔｅｐ搽番爽膚水→美白精華→保濕乳液～再照鏡時皮膚就恢復本來膚色ｌｕ～所以我覺得基本上只係只洗面膏留左層野係我面度而且～呃我ｏ既！
當日評語：唔會再用佢ｏ黎落妝、洗面（因為對混合性皮膚ｏ既我ｏ黎講～乾得滯），但係就會用ｏ黎俾我個鼻專用～洗黑頭～睇下一排會唔會真係有效先
！幾日後再評：用用下又覺得Ｄ毛孔乾淨左～加番佢一分先！
推介度：㊣㊣㊣+㊣（最高六個㊣）
全站熱搜
留言列表
⊹⊱彩妝技巧及保養⊰⊹ (3)