【底妝】日本Chacott碎粉試用分享 @ KATY BEAUTY 單眼皮女生

曾獲日本COSME化妝品大賞第一名的Chacott碎粉，是日本芭蕾舞團專用牌子，標榜防水防、防汗、防油脂！

試用色號：７５１（皮膚偏白人士使用）

ＫＡＴＹ評分如下：
持久度:★★★★★
防油度:★★★★☆
防水度:★★★★☆
防汗度:★★★☆☆
清爽感:★★★★☆
修飾膚色:★★★☆☆
平滑度:★★★★★
質地細緻度:★★★★★
貼面度:★★★★★

一隻超高分數的碎粉，無論是價錢、質素、效果都No.1，以前用開ettusais同埋面具蜜粉；ettusais很滑很貼面但較為偏白及控油一般，而面具較平控油ok但稍有粉感；Lavshuca透明碎粉就夠薄但就無咩特別功效！

依家大熱天時，妝前防油功夫都已經做好，但通常化完妝幾個小時後Ｔ字位點都會出油，所以就找人代買這盒口碑不俗的CHACOTT FINISHING POWDER

收到盒碎粉時真係嚇我一跳，盒碎粉係１７０ｇ，足足有成隻手掌咁大盒，即係等於１７盒細ｓｉｚｅ面具蜜粉ｏｒ１０盒Lavshuca碎粉，以＄１７０可以有咁ｏ既份量，真係好誇張，最後我同細妹一人一半，仲分左ｄ俾朋友試～雖然大家膚色唔太一樣，但ｌｅｅ隻碎粉都可以ｍａｔｃｈ到～

我用左接近兩星期左右，發覺佢真係好貼面，好控油，好似今日咁，成三十幾度出左街幾個鐘頭，成身汗塊面發滾咁返到屋企，照下鏡都只係鼻哥有ｄ令令地，其他地方依然仲係貼一貼，真係幾利害！

其實盒碎粉可以再平ｄ～只係我太心急唔想等團購所以買貴左，最平係＄１４０已經有一大盒，而日本就賣緊＄１０１左右，有朋友過去日本就最好叫ｓｉｓ幫手帶幾盒返ｏ黎，超抵用＾＿＾